Төв аймгийн Баянчандмань сумынхаа нийт хөдөлмөрч ард иргэддээ, Төрийн болон Төрийн бус байгууллагууд, аж ахуй нэгжийн дарга, захирал ,албан хаагчид та бүхэндээ сумын ИТХ-ын ажлын алба, 21 төлөөлөгчийн нэрийн өмнөөс болон хувиасаа сумын ИТХ-ын цахим хуудсаар зочлон мэдээлэл авч байгаа танд талархан чин сэтгэлийн мэндчилгээг хүргэж байна.   

       Энэхүү сумын ИТХ-ын албан ёсны цахим хаягт иргэд та бүхэн байнга зочилж, сумынхаа Нутгийн удирдлагын байгууллагаас гаргасан аливаа тогтоол, шийдвэрүүд, хэрэгжүүлж буй ажлын явц, тайлан мэдээллүүдийг авч, мөн бусад олон нийтэд түгээх, дамжуулах боломжтой тул иргэн таныг сумын ИТХ-ын цахим хуудасны идэвхитэй гишүүн дагагч байхыг хүсье.   

        2024-2028 оны бүрэн эрхийн хцугацаанд сумын ИТХ-ын дарга, нарийн бичгийн дарга, ажлын албаны мэргэжилтэн, ИТХ-ын зөвлөл, 21 төлөөлөгчид ИТХ-ын 7 хороодод харьяалагдан нутгийн удирдлагын байгууллагын чиг үүргээ хариуцлагатай гүйцэтгэн ажиллаж байна.

      Цаг хугацаа урсан өнгөрдөг, одоо ирээдүй цагийн боломж л олддог үнэ цэнтэй учир сумын иргэдийн олонхын саналаар сонгогдсон ИТХ-ын дарга, төлөөлөгчид, суманд гүйцэтгэх засаглалыг хэрэгжүүлэгч Засаг дарга, түүний ЗДТГ, төриййн төсөвт байгууллагууд бид бүхэн хамтран сумаа хөгжүүлэх, иргэдийнхээ нийтлэг эрх ашгийг эрхэмлэн, нэгдсэн бодлого чиглэлтэйгээр хамтарч ажиллах ёстой. Энэ зорилтын үүднээс иргэдийнхээ саналуудыг авч, олон нийтийн оролцоог ханган сумынхаа урт болон дунд, богино хугацааны хөгжлийн бодлого хөтөлбөрүүдийг хамтдаа боловсруулж, ИТХ-аар хэлэлцэн баталж, хяналт үнэлгээ хийх замаар сум орон нутгаа бүхий салбар чиглэлд хурдацтай хөгжүүлэх бодлогыг баримталж байгаа билээ. 

       Сум орон нутаг маань хөгжлийн нэгэн түүчээ болж, ард иргэд маань амар амгалан, аюулгүй орчинд ажиллаж, амьдрах нөхцөл бүрдсэн, ирээдүй болсон залуус, хүүхэд багачууд эрүүл энх өсөж, саруул ухаанаар хөгжин дэвжихийн өлзийтэй ерөөлийг өргөн дэвшүүлье.  

ХҮНДЭТГЭСЭН

БАЯНЧАНДМАНЬ СУМЫН ИТХ-ЫН ДАРГА Э.ЭНХБОЛД